ក៏លោក សុន ឆ័យ អ្នកនាំពាក្យគណបក្សសង្គ្រោះជាតិអះអាងនៅថ្ងៃសៅរ៍នេះថា គណបក្សសង្គ្រោះជាតិនៅតែរឹតរឹងមាំ ហើយរឹងមាំជាងមុនទៅទៀត។
From RFI Khmer លោក សុន ឆ័យ អ្នកនាំពាក្យគណបក្សសង្គ្រោះជាតិបានអះអាងថា ភាពរឹងរឹតតែរឹងមាំរបស់គណបក្សសង្គ្រោះជាតិនោះគឺ ការពង្រឹងសាមគ្គីភាពរបស់គណបក្ស ក្នុងគោលបំណងឆ្លើយតបនឹងការចង់បានរបស់ពលរដ្ឋដើម្បីចូលរួមប្រកួតប្រជែងការបោះឆ្នោតនាពេលខាងមុខ។ បើទោះបីជាលោកនាយករដ្ឋមន្ត្រីហ៊ុន សែន នៅថ្ងៃសៅរ៍ទី៤វិច្ឆិកានេះ សង្កត់ធ្ងន់ថា គណបក្សសង្គ្រោះជាតិនឹងរំលាយនៅថ្ងៃទី១៦វិច្ឆិកាក៏ដោយ ក៏លោក សុន ឆ័យ បានបន្តគូសបញ្ជាក់ថា គណបក្សសង្គ្រោះជាតិនៅតែយល់ឃើញថា ខ្លួនឯងគ្មានកំហុសឈានដល់ការរំលាយនោះទេ។
នេះបើតាមលោក សុន ឆ័យ។ យ៉ាងណាក៏ដោយ ផ្ទុយពីការអះអាងរបស់លោក សុន ឆ័យ មន្ត្រីអង្គការសង្គមស៊ីវិល និងអ្នកវិភាគជាដើមមើលឃើញថា គណបក្សសង្គ្រោះជាតិងាយរងគ្រោះដោយការរំលាយខ្លាំងណាស់ ព្រោះគណបក្សប្រឆាំងមួយនេះកំពុងជួបប្រទះព្យុះភ្លៀងជាច្រើន។ ព្យុះភ្លៀងទាំងនោះរួមមានៈ ប្រធានគណបក្សលោក កឹម សុខា កំពុងរងការចោទប្រកាន់ពីទោសក្បត់ជាតិ, គណបក្សប្រឈមនឹងការរំលាយនៅថ្ងៃទី១៦វិច្ឆិកាខាងមុខ, សំណុំរឿងលោក ម៉ៅ មុនីវណ្ណ ត្រូវបានអតីតប្រធានបក្សលោក សម រង្ស៊ី ចោទថាចង់ធ្វើបក្សប្រហារ, ការសម្រុកចេញទៅក្រៅប្រទេសពីសំណាក់មន្ត្រីសំខាន់ៗនៃគណបក្សសង្គ្រោះជាតិ, ចលនានៃការចាកចេញបណ្ដើរៗរបស់សមាជិកក្រុមប្រឹក្សាឃុំ ទៅចូលរួមជីវភាពនយោបាយជាមួយគណបក្សកាន់អំណាចជាដើម។
No comments:
Post a Comment